İsraildə avtobus dərəyə düşdü: 2 ölü, 20 yaralı

İsraildə Maale Levon yaşayış məntəqəsi rayonunda avtobusun dərəyə düşməsi nəticəsində 2 nəfər həlak olub, 20 nəfər isə xəsarət alıb.

Teleqraf.com-un xarici mediaya istinadən verdiyi məlumata görə, İsrailin milli tibb xidmətinin nümayəndəsinin bəyanatına əsasən, 4 nəfərin vəziyyəti kritik kimi qiymətləndirilir.

Məlumata görə, avtobus aşıb və 70 metr hündürlükdən uçurumdan düşüb. Yaralıları dərədən çıxartmaq üçün xilasedicilər helikopterlərdən istifadə ediblər.