Qadının mədəsindən narkotik dolu qoruyucu çıxdı

Türkiyəyə gələn Braziliya vətəndaşının mədəsində içərisində narkotik gizlədilmiş qoruyucu aşkarlanıb.

Teleqraf.com türk mediasına istinadla xəbər verir ki, San-Paulo şəhərindən təyyarəyə minən qadın İstanbulun Atatürk hava limanına eniş edib. Aeroportda özünü şübhəli aparan qadın narkotik vasitələrin qanunsuz dövriyyəsinə qarşı mübarizə şöbəsinin əməkdaşları tərəfindən saxlanılıb.

Qadın çantasında və üzərində narkotik maddənin olmadığını deyib. Polis əməkdaşları braziliyalı qadını xəstəxanaya aparıblar. Müayinə zamanı onun mədəsində 52 kapsulda 580 qramlıq kokain olduğu aşkarlanıb. Maddə dərman preparatları vasitəsilə qadının mədəsindən çıxarılıb və polis bölməsinə aparılıb.