Şimali Koreya indi də Moskvaya elçi göndərdi

Şimali Koreyanın Xarici İşlər naziri aprelin ortalarında Rusiyaya səfər edəcək.

Teleqraf.com xəbər verir ki, bu haqda Rusiya mediası məlumat yayıb.

Moskvaya səfər zamanı Rusiya-Şimali Koreya münasibətləri, Pxenyan ətrafında yaranan son durumun müzakirə ediləcəyi gözlənilir.

Xatırladaq ki, son dövrlər Vaşinqton-Pxenyan arasında diplomatik təmaslar aparılır. Hətta may ayında Şimali Koreya və ABŞ liderlərinin görüşünün razılaşdırıldığı da qeyd edilir. Bu kontekstdə Şimali Koreya Xarici İşlər nazirinin Moskva səfəri maraq doğurur.