Polis və etirazçılar arasında toqquşma - 30 ölü

Nikaraquada hökumət əleyhinə keçirilən etirazlar zamanı polis və aksiya iştirakçıları arasında toqquşma baş verib.

Teleqraf.com xəbər verir ki, bu barədə yerli “Prensa” qəzeti məlumat yayıb.

Toqquşmalar zamanı azı 30 nəfərin həlak olduğu bildirilir. Ölənlər arasında 1 jurnalist də var.

Hökumətin sosial sığorta sahəsində apardığı dəyişikliklərə etiraz olaraq əhali 5 gündür küçə yürüşləri edir.