Əhvaz terrorunda ABŞ izi… – Xameneyidən sensasiyalı iddia

İranın Əhvaz şəhərində baş vermiş terror aktı ABŞ-ın peyk dövlətlərinin bölgədə törədikləri qanlı cinayətlərin davamıdır.

Teleqraf.com xəbər verir ki, bunu İranın Ali Dini lideri Əli Xameneyi deyib.

Onun sözlərinə görə, həmin qüvvələrin əsas məqsədi İran daxilində sabitliyi pozmaqdır:

“Lakin biz mübarizəmizi davam etdirəcəyik. Kəşfiyyat xidmətləri bu qruplaşmaların uzantılarını təqib etməli və onları ölkənin hüquq-mühafizə orqanlarına təslim etməlidirlər”.

Qeyd edək ki, İranın Əhvaz şəhərində baş vermiş terror aktında 27 nəfər həlak olub.