Tramp sərt sanksiyalardan çəkindi: "Bahalaşma istəmirəm"

"Sanksiya məsələsində bir qədər daha yavaş getmək istəyirəm. Dünyada neftin qiymətinin artmasını istəmirəm".

Teleqraf.com xəbər verir ki, bu barədə ABŞ prezidenti Donald Tramp İrana qarşı tətbiq edilən sanksiyalar barədə danışarkən bildirib.

ABŞ dövlət katibi Mayk Pompeo isə Tvitterdə ərəbcə açıqlama yayaraq 40 ildir İran xalqının aclıqdan, korrupsiyadan əziyyət çəkdiyini bildirib: "İran rejiminin iddialarının əksinə olaraq sanksiyalar qida, kənd təsərrüfatı məhsulları və tibbi ləvazimatlara şamil edilmir".

Qeyd edək ki, noybrın 5-də İrana qarşı bərpa edilən sanksiyalar enerji, maliyyə, gəmiçilik sektorlarını əhatə edir.