Azərbaycanlı 3 dəfə edam meydanından qaytarıldı, amma...

Güney Azərbaycanda qəsdən adam öldürməkdə ittiham edilərək ölümə məhkum edilmiş daha 1 nəfər edam olunub.

Teleqraf.com xəbər verir ki, edam bir neçə gün əvvəl icra edilsə də, ictimaiyyətin bu barədə məlumatlandırılması gecikdirilib.

Məlumata görə, Təbrizin mərkəzi həbsxanasında saxlanılan Sərab şəhər sakini Həsən Fəxri noyabrın 27-də həbsxananın həyətində dara çəkilib.

Bildirilir ki, buna qədər barəsində çıxarılmış ölüm hökmünün icrası üçün 3 dəfə edam meydançasına aparılsa da, naməlum səbəblərə görə hökmün icrası təxirə salınmışdı.

Edam edilən şəxsin məhkəmə prosesi barədə məlumat verilməyib.