“Bu, türklər və ruslar üçün bağlanmış mövzudur” - Ərdoğan

“S-400 mövzusu bağlanıb. Zənnimcə, iyulun ilk 15 günündə komplekslərin təhvil verilmə prosesinə başlanacaq”.

Teleqraf.com xəbər verir ki, bu sözləri Türkiyə Prezidenti Rəcəb Tayyib Ərdoğan Türkiyədəki beynəlxalq media qurumlarının təmsilçiləri ilə görüşdə deyib.

Onun sözlərinə görə, S-400 məsələsi Türkiyə üçün də, Rusiya üçün də bağlanmış mövzudur: “Komplekslər təhvil verilən andan etibarən Türkiyə Silahlı Qüvvələri tərəfindən müəyyən olunan yerə yerləşdiriləcək”.