Ölkədə qiyama qarşı kütləvi nümayişlər başladı – Gərginlik

Boliviyanın Potosi, Sakaba və digər şəhərlərində qiyama qarşı küçə yürüşləri başlayıb.

Teleqraf.com xəbər verir ki, Sakaba şəhərində polisin yürüşlərə silahlı müdaxiləsindən sonra 7 nəfər həyatını itirib.

Etirazlara münasibət bildirən ölkənin Silahlı Qüvvələrinin Baş Qərargahı etirazçıları sakitləşməyə çağırıb.

Oktyabrın 20-də Boliviyada ölkə miqyasında nümayişlər başlayıb. Nümayişlərin kütləvi hal almasından sonra Prezident Evo Morales istefa verərək Meksikaya gedib. Bundan sonra ölkə Senatının vitse-spikeri Janin Anes özünü dövlət başçısı elan edib.

Etirazçılar Anes hökumətindən iqtidarı Moralesə geri verməsini tələb edir.