29 Mart 12:30
804

“Böyük irmiliyin” videokonfrans vasitəsilə COVİD-19 epidemiyası ilə bağlı apardığı müzakirədən sonra Rusiya hərəkətə keçərək BMT-yə 6 maddəlik plan təqdim edib.

Teleqraf.com xəbər verir ki, planda koronavirusla effektiv mübarizənin aparılması üçün bir sıra təkliflər yer alıb:

- Qlobal hal alan koronavirus epidemiyası ilə mübarizədə Ümumdünya Səhiyyə Təşkilatı (ÜST) koordinasiya mərkəzi elan edilsin.

- Ortaq hərəkət planı qəbul edən ölkələr COVİD-19 epidemiyasına qarşı vaksin tapmaq üçün koordinasiyalı fəaliyyət həyata keçirsin.

- Koronavirusdan ən çox təsirlənən ölkələrə dəstək göstəlsin.

- Ölkələr arasında ticarət müharibələrindən və BMT Təhlükəsizlik Şurası tərəfindən təsdiqlənməyən birtərəfli sanksiyalardan imtina edilsin.

- Birinci dərəcəli material və ləvazimatlarla bağlı ədalətsiz qazanc və spekulyasiyaların qarşısına keçilsin.

- Epidemiya ilə əlaqəli dünya ictimaiyyətinə obyektiv məlumat vermək üçün tədbirlər görülsün.

Qeyd edək ki, Rusiyanın BMT Təhlükəsizik Şurasına təqdim etdiyi bu planla faktiki olaraq 2014-cü ildən bu yana sanksiyalar yolu ilə davam edən “Soyuq müharibəyə” ara verilməsini tələb edir.


Müəllif: Cavad