Müsəlman ölkənin başçısı Türkiyəyə cəza istədi – Skandal iddia

Livan Prezidenti Mişel Naim Aun qondarma erməni soyqırımı ilə bağlı açıqlama verib.

Teleqraf.com xəbər verir ki, o, bu barədə Tvitter sosial şəbəkəsində yazıb.

“Erməni xalqına qarşı soyqırım universal şüurun möhürüdür. Bu, insanın törətdiyi cinayətin cəzasız qaldıqca, davam edəcəyini daim xatırladır. Ədalət humanizmə aparan yeganə yoldur”, - prezident qeyd edib.

Livan qondarma erməni soyqırımını tanıyan iki müsəlman ölkəsindən biridir. Dəfələrlə Türkiyə və Azərbaycana qarşı qərzəli çıxışları ilə yaddan qalan Livan hökuməti beynəlxalq tribunalarda həmişə bu qondarma iddianın və işğalçılıq siyasətinin müəllif olan Ermənistanı dəstəkləyib.