Altı ölkədən İrana sərt xəbərdarlıq – BƏƏ-İsrail anlaşması aranı qatdı

Körfəz Əməkdaşlıq Şurası (CCASG) ötən həftə İsraillə münasibətləri normallaşdırdığını elan edən Birləşmiş Ərəb Əmirliklərinə (BƏƏ) qarşı təhdidlər ünvanlayan İrana etiraz edib.

Teleqraf.com xəbər ki, şuranın baş katibi Naif Fəlah əl-Nəcraf İranı BMT-nin nizamnaməsinə əməl etməyə, başqa ölkənin daxili işlərinə qarışmaqdan çəkinməyə çağırıb.

İran Prezidenti Həsən Ruhani BƏƏ-nin “böyük səhv” etdiyini, onu təhlükəli bir gələcək gözlədiyini demişdi: “Böyük bir səhv etdilər, xain bir hərəkət etdilər. Ümid edirik ki, bunları başa düşəcəklər və yanlış yolu bağlayarlar”.

İran İslam İnqilabı Keşikçiləri Korpusu (SEPAH” da öz növbəsində, ABŞ-ın vasitəçiliyi ilə İsrail və BƏƏ arasındakı anlaşmanın yəhudi dövlətinin “çöküşünü sürətləndirəcəyinə” əminliyini ifadə etmişdi.

BƏƏ Xarici İşlər Nazirliyi avqustun 16-da İranın bu ölkədəki səfirini ona etiraz notası təqdim etmək üçün çağırıb.

Əlavə edək ki, Körfəz Əməkdaşlıq Şurasına 6 ərəb ölkəsi daxildir - Səudiyyə Ərəbistanı, Bəhreyn, Qətər, Küveyt, Oman və Birləşmiş Ərəb Əmirlikləri.