Kanadada mağazada atışma - Yaralananlar var

Kanadanın Ebbotsford şəhərində(Britaniya Kolumbiyası əyaləti) mağazada baş verən atışma nəticəsində iki nəfər yaralanıb.

Teleqraf.com xəbər verir ki, bu barədə "Global News" telekanalı məlumat yayıb.

Hadisə ov silahları satan "Kabelas" mağazasında baş verib. Zərərçəkənlər ağır vəziyyətdə xəstəxanaya çatdırılıblar.

Polisin verdiyi məlumata görə, atışma ilə əlaqədar bir neçə nəfər saxlanılıb.

Hadisənin təfərrüatı açıqlanmır.