PKK-çı qadından diqqətçəkən açıqlama: “Qaçmaq üçün fürsət axtarırlar, çünki...”

Türkiyənin Van vilayətində jandarma qüvvələrinə təslim olan PKK-çı qadın terror təşkilatının böyük parçalanma yaşadığını və terrorçuların qaçmaq üçün fürsət axtardıqlarını söyləyib.

Teleqraf.com xəbər verir ki, 2012-ci ildə Vanın Gürpınar qəsəbəsində terror təşkilatına qoşulan qadın terrorçu türk jadarmasına təslim olub.

Təşkilata üzv olmaqdan peşman olduğunu dilə gətirən terrorçu vurğulayıb:

“Çox çətin şərtlərdə yaşayırdıq. Böyük çətinliklərlə üzləşmişdik. Bu səbəbdən təşkilatda dağılma başladı və davam edir. Təşkilatın bir çox üzvü qaçmaq üçün fürsət axtarır. Təşkilat üzvlərinə səslənmək istəyirəm: təslim olun”.