ABŞ-dan ikibaşlı Türkiyə açıqlaması: “Əgər xəbər doğrudursa...”

ABŞ Dövlət Departamenti İraqın Qara bölgəsində PKK terror təşkilatı tərəfindən şəhid olan 13 Türkiyə vətəndaşı üçün başsağlığı verib.

Teleqraf.com xəbər verir ki, açıqlamada ABŞ-ın NATO-dakı müttəfiqi Türkiyəyə dəstəyi nümayiş olunub.

PKK terrorunun pislənildiyi açıqlamada baş verən olaya şübhəli yanaşma da diqqətdən yayınmayıb:

“ABŞ Türkiyə vətəndaşlarının İraqın Kürdüstan bölgəsində öldürülməsindən təəssüflənir. NATO-dakı müttəfiqimiz Türkiyənin yanındayıq və son qarşıdurmada şəhid olanların ailələrinə başsağlığı veririk.

Türkiyə vətəndaşlarının PKK terror təşkilatı tərəfindən öldürülməsi xəbəri doğrudursa, onu ən şiddətli şəkildə qınayırıq”.