22 Sentyabr 2021 22:05
444
12 Punto 14 Punto 16 Punto 18 Punto

Fransa Prezidenti Emanuel Makron və amerikalı həmkarı Cozef Bayden arasında telefon danışığı baş tutub.

Teleqraf.com TASS-a istinadla xəbər verir ki, bu barədə Yelisey Sarayı məlumat verib.

Liderlər iki ölkə arasında etimadın qurulması üçün şərait yaratmağa yönəlmiş geniş ikitərəfli məsləhətləşmə prosesinə başlamaq qərarına gəliblər. Onlar oktyabrın sonunda Avropada görüş keçirməyi razılaşdırıblar.

Danışıqlar zamanı iki dövlət başçıları, həmçinin, Avstraliya, İngiltərə və ABŞ-ı da əhatə edən yeni təhlükəsizlik ortaqlığının (AUKUS) yaradılmasını müzakirə ediblər.

Xatırladaq ki, Avstraliya, İngiltərə və ABŞ 16 sentyabrda yeni AUKUS təhlükəsizlik əməkdaşlığının yarasılmasını elan ediblər. Müqavilənin bir hissəsi olaraq, Avstraliya 2036-cı ildə xidmətə buraxılacaq ən azı 8 nüvə sualtı gəmisinin hazırlanması üçün amerikan texnologiyasından istifadə etməyi və silahlı qüvvələrini ABŞ qanadlı raketləri ilə yenidən təchiz etməyi planlaşdırır. Bu səbəbdən Kanberra Fransa ilə tarixində ən böyük müdafiə müqaviləsini ləğv edib və bu qərar fransızlar tərəfindən artıq "kürəkdən bıçaqlanma" adlandırılıb.


Müəllif: Teleqraf.com