Rus ordusunun itkiləri: 12 mindən çox hərbçi, 58 təyyarə... – Baş Qərargah

Müharibənin əvvəlindən martın 12-nə olan məlumata görə, Ukraynaya müdaxilə edən rus ordusu 12 mindən çox canlı qüvvəsini itirib.

Teleqraf.com xəbər verir ki, bu barədə Ukrayna Silahlı Qüvvələrinin Baş Qərargahının mətbuat xidməti məlumat yayıb.

“Fevralın 24-dən bu günədək olan məlumata görə, rus ordusu 12 mindən çox canlı qüvvəsini, 362 tankını, 1205 zirehli texnikasını, 135 artilleriya sistemini, 62 yaylmış atəş sistemini, 33 hava hücumundan müdafiə sistemini, 58 təyyarəsini, 83 vertolyotunu, 585 nəqliyyat vasitəsini, 3 gəmisini, 60 yanacaq çənini, 7 PUA-sını itirib”, - açıqlamada qeyd olunub.

Baş Qərargah bildirib ki, döyüş əməliyyatlarının yüksək intensivliyi ilə hesablama çətinləşdiyindən itkilərlə bağlı məlumatlar dəqiqləşdirilir.