Ukrayna ordusu Rusiyanın sursat anbarını məhv etdi

Ukrayna hərbçiləri gün ərzində ölkənin cənubunda 104 işğalçını və düşmənin xeyli texnikasını məhv edib.

Teleqraf.com xəbər verir ki, bu barədə “Cənub” Əməliyyat Komandanlığı "Facebook" sosial şəbəkəsində məlumat yayıb.

Düşmənə döyüş uğurları və logistika məsələlərinin həlli şansı verməyən Ukrayna aviasiyası Rusiyanın mövqelərinə, dəstək və komanda məntəqələrinə, qüvvə və vasitələrin cəmləşdiyi ərazilərə, həmçinin nəqliyyat və logistika obyektlərinə 21 zərbə endirib.

Qeyd olunur ki, raket və artilleriya bölmələri intensiv sayda atəş tapşırıqlarını yerinə yetirməkdə davam edir, Dnepr və İnquletsdən keçən keçidlər ciddi atəş nəzarəti altındadır.

“104 işğalçı, 6 tank, 26 ədəd digər zirehli və avtomobil texnikası, 9 ədəd Msta-S və Msta-B haubitsaları, həmçinin Eleron-10 pilotsuz kəşfiyyatçısı məhv edilib”,- məlumatda qeyd edilir.

Tominoy Balka ərazisində düşmənin döyüş sursatı anbarı, Lvov kəndi yaxınlığındakı ponton keçidi, Kaxovski rayonundakı 35-ci Ordunun komanda məntəqəsi və 247-ci Hücum Alayının tabor taktiki qrupunun iki nəzarət-müşahidə məntəqəsi və hərbi hissə, Nikolaevskdəki 126-cı ayrı-ayrı sahil müdafiə briqadası məhv edilib.