Əks-hücum nəticəsində ruslar geri çəkilib - Pentaqon

“Ukraynanın əks-hücum əməliyyatı zamanı rus qoşunları Xarkov vilayətinin işğal olunmuş ərazilərinin böyük hissəsini tərk etmək məcburiyyətində qalıb, onların çoxu Rusiyaya gedib”.

Teleqraf.com xəbər verir ki, bu barədə CNN Pentaqon nümayəndəsinə istinadən məlumat yayıb.

ABŞ-ın məlumatına görə, Ukrayna ordusu çox güman ki, kiçik kəndlərlə yanaşı, Kupyansk və İzyuma da nəzarəti ələ keçirib.

Ancaq tərk edilmiş Rusiya texnikası ilə bağlı mesaj mütəşəkkil olmayan komanda və nəzarətdən xəbər verir.

“Rusiya qüvvələri öz səylərini Severskdən Baxmuta cəmləməyə davam edir, Baxmut rusların möhkəmlənməyə çalışa biləcəyi diqqət mərkəzində qalır. Biz artilleriyadan intensiv istifadəni və hava zərbələrini müşahidə etməkdə davam edirik”, - ABŞ rəsmisi bildirib.