Gürcüstan Rusiyanın ittihamına cavab verdi – “Sübut edin”

“Krım körpüsündə partlayan yük maşını Gürcüstan sərhədindən keçməyib”.

Teleqraf.com xəbər verir ki, bunu Gürcüstanın maliyyə nazirinin müavini Georgi Kakauridze deyib.

“Gürcüstanın sərhəd keçid məntəqəsindən nə trotil, nə də digər partlayıcı ilə doldurulmuş yük maşını və vaqon keçib”, - Kakauridze bildirib.

Onun sözlərinə görə, kimsə həmin yük maşınının Gürcüstan sərhəddini keçməsini əsaslandıra bilsə, araşdırma aparılacaq və məsul şəxslər məsuliyyətə cəlb olunacaq.

Bundan əvvəl Rusiya Təhlükəsizlik Xidməti (FSB) Krım körpüsündə partlayan yük maşınının Bolqarıstan, Gürcüstan və Ermənistandan keçdiyini açıqlamışdı.