Hindistan-Çin sərhədində hərbi toqquşma - Yaralananlar var

Hindistan-Çin sərhədində hərbi toqquşmalar baş verib.

Teleqraf.com xəbər verir ki, Çin hərbçiləri iki ölkəni ayıran neytral əraziyə daxil olub, lakin Hindistan hərbçiləri tərəfindən geri qaytarılıb. Hər iki tərəfdən bir neçə hərbçi yüngül yaralanıb.

Qeyd edək ki, 2020-ci ilin may ayında iki ölkənin sərhədindəki dağlıq Ladax bölgəsində ağır toqquşmalar baş verib. Hindistan və Çin əraziyə ağır artilleriya, tanklar və təyyarələr göndərib. Keçən il hərbi və diplomatik səviyyədə danışıqlardan sonra Pekin və Yeni Dehli qoşunların sərhəd xəttindən qarşılıqlı şəkildə çıxarılmasına başlayıb.