Dmitri Roqozin Ukraynada yaralandı

"Roskosmos"un keçmiş rəhbəri Dmitri Roqozin Donetskdə otelin atəşə tutulması zamanı kürəyindən yaralanıb.

Teleqraf.com xəbər verir ki, “Roskosmos”un keçmiş rəhbəri xəstəxanaya yerləşdirilib. Onun həyatı üçün heç bir təhlükənin olmadığı bildirilib.

Qeyd olunur ki, Roqozin hotelin birinci mərtəbəsində yerləşən restoranda doğum gününü qeyd edərkən məkana 155 mm-lik silahla atəşə tutulub.

Qeyd edək ki, Dmitri Roqozin Rusiyanın NATO-dakı daimi nümayəndəsi, Baş nazirinin müavini, Rusiya-Azərbaycan hökümətlərarası komissiyanın həmsədri, daha sonra isə "Roskosmos" dövlət korporasiyasının rəhbəri vəzifələrində çalışıb.