Poroşenko yardım istədi

Ukrayna prezidenti Pyotr Poroşenko Beynəlxalq Valyuta Fondunun (BVF) icraçı direktoru Kristin Laqardla telefon söhbətində ölkəsinin daha çox maliyyə yardımına ehtiyacı olduğunu bildirib.

Teleqraf.com-un məlumatına görə, xəbəri Ukrayna Prezidentinin rəsmi saytı yayıb.

P.Poroşenko Ukraynanın BVF-u qarşısında götürdüyü öhdəliklərin davamlı şəkildə yerinə yetirildiyini vurğulayıb.

“Həmsöhbətlər Ukraynadakı iqtisadi vəziyyəti və BVF-un Stand-By proqramı çərçivəsində birgə öhdəlikləri müzakirə ediblər”, məlumatda qeyd edilir.

Poroşenko və Laqard həmçinin yaxın dövr üçün nəzərdə tutulan qarşılıqlı əlaqələrin qrafikini razılaşdırıblar.