“İndi seçkilər haqqında danışmaq tezdir” - Türkiyə rəsmisi

“Seçkilər haqqında danışmaq hələ tezdir, çünki Türkiyə əhalisinin 15 faizi zərər çəkmiş ərazidədir. Hazırda mayın 14-də seçkinin keçirilməsi ilə bağlı çox ciddi çətinliklər var”.

Teleqraf.com xəbər verir ki, bunu adını açıqlamayan türk rəsmisi “Röyter”ə deyib.

Türkiyə rəsmisi bildirib ki, zəlzələ mayın 14-də keçiriləcək seçkilərə ciddi çətinliklər yaradıb: “İndi seçkilər haqqında danışmaq tezdir”.

Türkiyənin on bölgəsində fövqəladə vəziyyət elan edildiyinə diqqət çəkən “Röyter” mənbəsinə əsaslanaraq iddia edib ki, türk rəsmisi belə vəziyyətdə seçkilərin keçirilməsinin çətin olduğunu qeyd edib.