Kiyev səmasında 10 raket vuruldu

Bu gün səhər saatlarında Kiyev üzərində 10 rus raketi vurulub.

Teleqraf.com xəbər verir ki, Rusiyanın raket hücumu zamanı paytaxtda elektrik xətlərinə ziyan dəyib, amma tələfat yoxdur.

Kiyev meri Vitali Kliçko deyib ki, energetiklər şəbəkələrin bərpası üzərində işləyirlər.

Kiyev şəhər hərbi administrasiyasının məlumatına görə, raket parçaları iki avtomobilə, bir evə və elektrik xətlərinə ziyan vurub.

Qeyd edək ki, bu gün səhər rus ordusu Ukraynanın əksər şəhərlərinə kütləvi raket hücumu həyata keçirib. Ötən gecə isə Rusiya Federasiyası İranın "Şahed"-136/131 komakaze dronları ilə Ukrayna şəhərlərinə hücum edib.