Rus ordusuna sarsıdıcı zərbə - Ağır döyüşlər gedir

Son 24 saat ərzində Ukrayna Rusiya qoşunlarının cəmləşdiyi ərazilərə və zenit-raket komplekslərinin mövqelərinə hücum edib.

Teleqraf.com xəbər verir ki, bu barədə Ukrayna Silahlı Qüvvələrinin Baş Qərargahı bildirib.

“Müdafiə Qüvvələrinin aviasiyası son 24 saat ərzində işğalçıların şəxsi heyətinin və hərbi texnikasının cəmləşdiyi ərazilərə səkkiz, zenit-raket komplekslərinə iki zərbə endirib”, - məlumatda deyilir.

Bundan əlavə, qeyd olunur ki, Ukrayna raket qüvvələri və artilleriya bölmələri Rusiya canlı qüvvəsinin cəmləşdiyi iki ərazini vurub:

"Gün ərzində Donbassda Ukrayna hərbçiləri 7 yaşayış məntəqəsi ərazilərində düşmənin hücumlarını dəf ediblər. Luqansk vilayətinin Kuzemovka və Dubrava yaşayış məntəqələri ərazilərində işğalçıların hücumlarını dəf edilib. Ukrayna hərbçiləri Donetsk vilayətinin Fedorovka, Yadovoe, Berxovka, Baxmut və Kurdyumovka yaxınlığında düşmən hücumlarını dəf etməkdə davam edir".