Cinpin Putinin Ukraynadakı uğursuzluğundan narahatdır - Kəşfiyyat

Çin Prezidenti Si Cinpin Rusiya lideri Vladimir Putinin Ukraynaya qarşı müharibədə uğursuzluğa düçar olmasından narahat olub.

Teleqraf.com xəbər verir ki, bunu "CBC News"a müsahibəsində ABŞ Mərkəzi Kəşfiyyat İdarəsinin (MKİ) direktoru Uilyam Börns deyib.

O bildirib ki, Cinpin hadisələri digər liderlərdən çox izləyir:

"Düşünürəm ki, o, rusların çox zəif hərbi performansına təəccüblənib. Qərbin həmrəyliyinin səviyyəsi və Ukraynaya dəstəyi də onu da heyran qoyub. Söhbət təkcə ABŞ-a aid deyil, həm də Avropanın Rusiyaya daha çox iqtisadi ziyan vurmaq üçün iqtisadi xərcləri öz üzərinə götürməyə hazır olmasından gedir. Beləliklə, bütün bunlar, məncə, Cinpini müəyyən dərəcədə özünə gətirib".