Serbiya lideri anlaşmadan imtina etdi – “İmzalamayacam”

Serbiya Avropa Birliyi və Kosovo nümayəndələri ilə bu gün Oxrid şəhərində (Şimali Makedoniya) keçiriləcək görüşdə heç bir sənəd imzalamaq niyyətində deyil.

Teleqraf.com xəbər verir ki, bunu Serbiya Prezidenti Aleksandr Vuçiç deyib.

“Heç nəyə imza atmayacam və onlar bununla maraqlanmırlar. Sizcə, onlar xoşbəxtdirlər? Xoşbəxt deyillər, çünki yalnız Serbiyanın uğursuzluğuna sevinirlər, başqa söz desəm sevinərdilər. Münasibətlərin tənzimlənməsindən danışmaq istəyirlər. Bu barədə bir-birimizlə danışa bilərik”, - Serbiya lideri bildirib.

Bu gün Oxriddə AB diplomatiyasının rəhbəri Jozef Borrel Vuçiç və Kosovo Baş naziri Albin Kurti ilə iki və üçtərəfli görüşlər keçirəcək.

Bundan əvvəl Serbiya prezidenti görüşdən həlledici bir şey gözləmədiyini demişdi.