KQB polkovnikindən Putin iddiası: “I Pavelin aqibəti gözləyir”

“Rusiya lideri Vladimir Putin öz mühafizəçilərinin əli və ya onların sui-qəsddə birbaşa iştirakı ilə aradan götürüləcək”.

Teleqraf.com xəbər verir ki, bunu ukraynalı keçmiş KQB polkovniki Sergey Jirnov deyib.

Bundan əvvəl Böyük Britaniya Baş Qərargahının keçmiş rəhbəri Riçard Dunnat Putinin də Roma imperatoru Yuli Sezar kimi öz ətrafı tərəfindən öldürüləcəyini iddia edib. Dunnat Rusiyanın ali hərbi rəhbərliyini sui-qəsdçi roluna əsas namizəd kimi görür.

Bu fərziyyəni şərh edən Jirnov bunu “real ssenari” adlandırıb. Polkovnik xatırladıb ki, vaxtilə Rusiya imperatoru I Pavelin öldürülməsinə onun mühafizəçiləri kömək ediblər.

“Onların gecikmələri başqa məsələdir”, - Jirnov söyləyib.