İran dronları ilə hücum: Beş şəhər savaşın ortasında qaldı - Hamısı məhv edildi

Rusiya qüvvələrinin Kupyan, Liman, Baxmut, Avdiv və Marinə hücumları davam edir. Son sutka ərzində cəbhənin bu istiqamətlərində 30-dan çox hücumun qarşısı alınıb.

Teleqraf.com xəbər verir ki, bu barədə Ukrayna Silahlı Qüvvələrinin Baş Qərargahı məlumat yayıb.

Baxmut və Marin hərbi əməliyyatların episentrində qalır.

Ruslar Kupyan istiqamətində Masyutivka rayonuna hücuma keçsə də, bu cəhdi nəticəsiz bitib. Bir sıra yaşayış məntəqələrinə hava zərbələri endirilib.

Rusiya qoşunları Liman istiqamətində Beloqorivkaya hücum edib, amma bir nəticə əldə etməyib.

Baxmut şəhərinə hücum dayanmır, şəhər uğrunda şiddətli döyüş gedir.

Rusiya ordusu Avdiv istiqamətində Novokalinov, Severnoy, Vodyanı, Pervomayskda uğursuz hücum əməliyyatları keçirib.

Ukrayna ordusu Marin şəhəri ərazisində rusların çoxsaylı hücumlarının qarşısını alıb.

Bundan başqa, Rusiya gücə saatlarında Ukrayna ərazisinə zərbələr endirmək üçün 6-ya qədər “Şahid” (İran istehsalı) kamikadze pilotsuz uçan aparatından istifadə edib. Bütün İran dronları Ukrayna səmasında vurulub.