Nyu-Yorkda iki avtobus toqquşdu - 81 nəfər yaralandı

ABŞ-ın Nyu-York şəhərində iki sərnişin avtobusu toqquşub.

Teleqraf.com xəbər verir ki, ikimərtəbəli turist avtobusu işıqforun qırmızı işığından keçdikdən sonra şəhər daxili hərəkət edən sərnişin avtobusuna çırpılıb.

Qəza nəticəsində 81 nəfər xəsarət alıb. Onlardan 18 nəfər xəstəxanaya yerləşdirilib, 63 nəfərə isə hadisə yerində tibbi yardım göstərilib.