Rusiya "taxıl dəhlizi"ni bağladı: "Həmrəylik dəhlizi" nə vəd edir?

Avropa İttifaqı Ukraynanın demək olar ki, bütün kənd təsərrüfatı məhsullarını "həmrəylik dəhlizi" ilə ixrac etməyə hazırdır.

Teleqraf.com "Sky News"a istinadən xəbər verir ki, bu bəyanatla Aİ-nin kənd təsərrüfatı üzrə komissarı Yanuş Voyçexovski çıxış edib.

O qeyd edib ki, Rusiya "taxıl saziş"in dən çıxmamışdan və “taxıl dəhlizi" bağlanmamışdan əvvəl, Ukrayna ixracının 60%-i “həmrəylik dəhlizləri”, 40%-i isə Qara dəniz vasitəsilə daşınıb.

"Biz demək olar ki, hər şeyi ixrac etməyə hazırıq. Bu, ayda təxminən 4 milyon ton yağlı və taxıl məhsulu təşkil edir. Biz bu həcmə ötən ilin noyabrında çatmışıq", - Voyçexovski bildirib.