Bin Salmandan kritik mesaj: “İran nüvə silahı əldə etsə…”

“İranın nüvə silahı varsa, Səudiyyə Ərəbistanının da nüvə silahı olmalıdır”.

Teleqraf.com xəbər verir ki, bunu Səudiyyə Ərəbistanının vəliəhd şahzadəsi Məhəmməd bin Salman deyib.

“Əgər onlar alırsa, biz də almalıyıq”, - şahzadə bildirib.

Bin Salman bunun təhlükəsizlik və Yaxın Şərqdəki güc balansı üçün lazım olduğunu, amma bunun belə olmasını istəmədiklərini söyləyib.

Vəliəhd nüvə silahı təhlükəsi barədə də xəbərdarlıq edib: “Biz hər hansı bir ölkənin nüvə silahına sahib olacağından narahatıq”.

Salman nüvə silahı əldə etmək cəhdlərinin və bunların yerləşdirilməsinin bütün dünyaya müharibə elan etməyə bərabər olacağını bildirib:

“İran nüvə silahı əldə etsə və ya hər hansı ölkə nüvə silahından istifadə etsə, bu, o deməkdir ki, onlar bütün dünya ilə müharibə vəziyyətindədirlər.

Dünya başqa bir Xirosimanı görməməlidir. Əgər dünya 100 000 insanın öldürüldüyünü görürsə, demək, siz dünyanın qalan hissəsi ilə müharibə aparırsınız”.