Bölgə cəhənnəmə çevrildi - Bir günə 1330 hərbçi məhv edildi

Ukrayna ordusu son sutka ərzində 1 330 Rusiya hərbçisini məhv edib.

Teleqraf.com xəbər verir ki, bu barədə Ukrayna Silahlı Qüvvələrinin Baş Qərargahı məlumat yayıb.

Rusiya müharibə başlayandan bəri Ukraynada 315 620 hərbçisini itirib.

Rusiya ordusunun son sutkada silah-sursat və texnika itkisi də kifayət qədər böyük olub: 11 tank, 17 zirehli döyüş maşını, 8 artilleriya sistemi, 8 yaylım atəşi sistemi, 3 raket müdafiə vasitəsi, 14 PUA, 1 qanadlı raket, 40 nəqliyyat vasitəsi, 1 xüsusi texnika.

Bundan əlavə, indiyədək Rusiyaya məxsus 323 hərbi təyyarə, 324 helikopter, 22 gəmi/kater və 1 sualtı gəmi məhv edilib.