Rus ordusu bütün cəbhə boyu hücuma keçdi – Döyüşlər şiddətləndi

Son sutka ərzində cəbhədə Rusiya və Ukrayna qüvvələri arasında 56 toqquşma baş verib.

Teleqraf.com xəbər verir ki, Ukrayna ordusu Sinkivka yaxınlığında və İvanivka şəhərinin şərqində - Kupyan istiqamətində rusların 9 hücumunu dəf edib.

Rusiya qoşunlarının Luqansk vilayətinin Serebryansk rayonu ərazisində də hücumunun qarşısı alınıb. Rusiya burada Ukraynanın müdafiəsini yarmağa cəhd göstərib.

Baxmut istiqamətində Boqdanivka yaxınlığında Rusiyanın 2 hücumu dəf edilib.

Ukrayna ordusu Avdiv şəhərini mühasirəyə almaq cəhdlərini dayandırmayan rus qüvvələrini cilovlamağa çalışır. Son sutka ərzində rusların bu istiqamətdə 32 hücumu dəf edilib.

Marin və Novomixaylivka, eləcə də Zaporoje vilayəti ərazisində - Verbovoy və Robotin istiqamətlərindəki hücumlar Ukrayna ordusu tərəfindən dayandırılıb.

Ukrayna Silahlı Qüvvələri bütün cəbhə boyu qarşı tərəfə müqavimət göstərir.