Kremldən Navalnının xanımına təpki: “Dul qaldığına görə...”

Rusiya Prezidenti Vladimir Putin Yuliya Navalnayanın bu barədə çağırışını nəzərə almayıb.

Teleqraf.com xəbər verir ki, bunu Kremlin sözçüsü Dmitri Peskov ötən həftə vəfat edən müxalifət lideri Aleksey Navalnının xanımının həyat yoldaşının fəaliyyəti və mübarizəsini davam etdirmək niyyətində olması ilə bağlı açıqlamasını şərh edərkən deyib.

“Xeyr, prezident bunu nəzərə almayıb”, - Rusiya rəsmisi müvafiq suala cavab verib.

Bundan başqa, Peskov Navalnayanın ərinin ölümündə Putinin əli ola biləcəyi ilə bağlı sözlərinə cavab verib:

“Bunu şərhsiz buraxırıq. Əlbəttə, bunlar Rusiya dövlət başçısına yönəlmiş tamamilə əsassız, üzücü ittihamlardır. Ancaq Yuliya Navalnayanın bir neçə gün əvvəl dul qaldığını nəzərə alsaq, şərhsiz buraxıram”.