Si Cinpin Tayvan məsələsində Baydeni hədələdi

Çin Tayvanın müstəqilliyinə üçüncü ölkələrdən gələn dəstəyə göz yummayacaq.

Teleqraf.com xəbər verir ki, bunu Çinin rəhbəri Si Cinpin ABŞ Prezidenti Co Baydenlə telefon danışığında deyib.

Çin Xalq Respublikasının rəhbəri Tayvan məsələsini Çin-Amerika münasibətlərində “qırmızı xətt” adlandırıb.

Si Cinpin həmçinin bildirib ki, əgər Birləşmiş Ştatlar Çini "qanuni inkişaf hüququndan məhrum etmək" istəsə, rəsmi Pekin bunu cavabsız qoymayacaq.

Məlumatı Çinin Xarici İşlər Nazirliyi yayıb.