Roma Papası Yaxın Şərqdəki vəziyyətdən narahatdır

Roma Katolik Kilsəsinin rəhbəri Papa Fransisk Yaxın Şərqdəki vəziyyətlə bağlı narahatlığını ifadə edib.

Teleqraf.com xəbər verir ki, pontifik İsraillə HƏMAS arasında artan gərginlik fonunda Qəzzada humanitar vəziyyətin davamlığının təmin olunması, münaqişənin genişlənməməsinin və silahların susdurulması ilə bağlı çağırış edib.

“Qoy sevgi nifrətə qalib gəlsin və düşmənçiliklər bağışlanmaqla tərksilah olunsun”, - deyə Papa Fransisk bildirib.

Roma Papası Ukrayna, Myanma, Sudan, Pakistan və Əfqanıstan kimi münaqişə bölgələri ilə bağlı da narahatlığını ifadə edib, insanları müharibədən əzab çəkən xalqlar üçün dua etməyə səsləyib.