ABŞ ordusu Suriyada bu şəxsi zərərsizləşdirdi

ABŞ ordusu Suriya ərazisinə zərbələr endirərək “Hurras ad-Din” ekstremist qruplaşmasının liderlərindən olan Əbu Əbdürrəhman əl-Məkkini zərərsizləşdirib.

Teleqraf.com xarici mətbuata xəbər verir ki, bu barədə ABŞ Mərkəzi Komandanlığı (CENTCOM) “X” sosial şəbəkəsində məlumat yayıb.

“Bu gün CENTCOM qüvvələri “Hurras ad-Din” qruplaşmasının yüksək rütbəli liderini kinetik zərbə ilə öldürüb”, - komandanlığın sosial şəbəkə hesabında diqqətə çatdırılıb.

Vurğulanıb ki, Əbu Əbdürrəhman əl-Məkki Suriyada olub və terror əməliyyatlarını oradan idarə edib.