İsrail "Hizbullah" hədəflərinə 1300 raket zərbəsi endirdi

İsrail Hərbi Hava Qüvvələri Livandakı "Hizbullah" hədəflərinə 1300 raket zərbəsi endirib.

Teleqraf.com yerli mətbuata istinadən xəbər verir ki, bu barədə İsrail Müdafiə Qüvvələrinin (IDF) nümayəndəsi kontr-admiral Daniel Həqari məlumat verib.

O qeyd edib ki, İsrail Hərbi Hava Qüvvələrinin hədəfləri silahlar, o cümlədən 200 kilometrə qədər mənzilli raketlər və pilotsuz uçuş aparatları olub.

“Qarşıda çətin günlər var. Biz bütün cəbhələrdə müdafiə və hücuma diqqət yetirməyə davam edirik”, - deyə Həqari mətbuat konfransında vurğulayıb.