Məhərrəm İncə CHP-yə dönür? - Partiyadan rəsmi açıqlama

Türkiyənin müxalif Məmləkət Partiyasının sədri Məhərrəm İncənin yenidən Cümhuriyyət Xalq Partiyasına (CHP) qayıdacağı ilə bağlı iddia ölkənin siyasi aləmində gündəm olub.

Teleqraf.com xəbər verir ki, iddialarla bağlı CHP-dən rəsmi açıqlama gəlib.

CHP sədrinin müavini Dəniz Yücel İncənin əvvəllər partiyada mühüm vəzifələr tutduğunu deyib:

“İstənilən vaxt sədrimiz və partiya rəsmiləri ilə görüşə bilər. Məsələ ilə bağlı hər hansı bir gəlişmə olarsa, sədrimiz Özgür Özəl lazımi açıqlamanı ictimaiyyətlə bölüşəcək”.

Xatırladaq ki, bundan öncə CHP-dən olan millət vəkili Ali Öztunç Məhərrəm İncənin partiyaya geri önmək istədiyini iddia etmişdi.