ABŞ-də təyyarə qəzasında həlak olan 30 nəfərin meyiti tapıldı - YENİLƏNDİ

ABŞ-də Reyqan hava limanı yaxınlığında baş vermiş aviaqəza nəticəsində həlak olanlardan 30-nun meyiti sudan çıxarılıb.

Teleqraf.com xəbər verir ki, bu barədə “The Economic Times” məlumat yayıb.

Hazırda hadisə bölgəsində axtarış-xilasetmə işləri davam edir.

***

09:10

ABŞ-dəki qəzada həyatını itirən 19 sərnişinin meyiti yaxınlıqdakı Potyomki çayından çıxarılıb.

Teleqraf.com xəbər verir ki, "American Airlines" təyyarənin göyərtəsində 60 sərnişin və 4 ekipaj üzvünün olduğunu açıqlayıb.

Hazırda xilasedicilər çayda hava gəmilərinin sərnişinlərini axtarmaqla məşğuldurlar.

Son məlumatlara görə, ABŞ Müdafiə Nazirliyi "Bombardier CRJ700" sərnişin təyyarəsinin və "Sikorsky H-60" hərbi təyyarəsinin toqquşmasından sonra hava limanının rəhbərliyinə yardım üçün müraciət edib.

***

08:37

Vaşinqtonda Reyqan hava limanı yaxınlığında sərnişin təyyarəsi və “Black hawk” hərbi helikopteri havada toqquşub.

Teleqraf.com xəbər verir ki, "American Airlines" təyyarənin göyərtəsində 60 sərnişin və 4 ekipaj üzvünün olduğunu açıqlayıb.

ABŞ KİV-ləri helikopterdə 3 hərbçinin olduğunu yazıb.

Məlumatlara görə, qəza nəticəsində ölən və yaralananlar var.