Serbiyada növbədənkənar parlament seçkiləri keçirilə bilər

Serbiya Prezidenti Aleksandr Vuçiç ölkədəki siyasi böhran fonunda hadisələrin iki ssenaridə baş verə biləcəyini deyib.

Teleqraf.com xəbər verir ki, Vuçiç yaxın zamanlarda yeni hökumətin formalaşdırılması və ya növbədənkənar parlament seçkiləri barədə qərarın veriləcəyini bildirib.

Baş nazir Vuçeviçin istefasından sonra ölkədə siyasi böhran dərinləşib. Əgər 30 gün müddətində yeni hökumət formalaşdırılmasa, növbədənkənar parlament seçkiləri keçirilə bilər. Bu barədə Seribya Prezidenti Nazirlər Kabinetinin növbədənkənar iclasından sonra mətbuata verdiyi açıqlamasında belə deyib.