11 İyun 2015 21:55
871
12 Punto 14 Punto 16 Punto 18 Punto

ABŞ-ın Stenford Universitetinin alimləri ferromaqnit maye və hidrodinamika sahəsindəki kəşflərdən istifadə edərək yeni növ kompyuter prosessoru hazırlayıblar.

Teleqraf.com ikt.az saytına istinadla xəbər verir ki, ənənəvi prosessorlardan fərqli olaraq yeni qurğuda məlumatların ötürülməsi üçün elektrik əvəzinə maqnit nanohissəciklərin əlavə olunduğu dövr edən maqnit sahəsindəki su damcılarından istifadə olunur. “İ” və “T” hərfləri formasında hərəkət edən metal elementlər sahənin quruluşuna təsir edərək mayeni hərəkət istiqamətinə yönəldir.

Qurğu adi kompyuterlərin apardığı hesablama əməliyyatlarını aşağı sürətlə yerinə yetirə bilir. Alimlər bildiriblər ki, onlar ənənəvi prosessorlara rəqib yaratmaq və ondan mətn redaktorları kimi müxtəlif proqramların işə salınması üçün istifadə etmək niyyətində olmayıblar.

Mütəxəssislər bu kəşfi maddi substansiyalara yüksək dəqiqliklə nəzarət edən və onlarla müxtəlif manipulyasiyalar həyata keçirən hesablama maşınlarının yeni sinfi kimi dəyərləndiriblər. Bu qurğuların biologiya, kimya və bir çox digər sahələrdə faydalı olacağı bildirilib.


Müəllif: