Lavrov: Avropada təhlükəsizlik məsələsi dalana dirənib

"Regionda qüvvələr nisbətinin dəyişməsi üçün terrorçulardan istifadə etmək təhlükəlidir".

Teleqraf.com "Ria Novosti" agentliyinə istinadən xəbər verir ki, bunu Rusiya xarici işlər naziri Sergey Lavrov deyib:

"Müxaliflərlə mübarizədə terrorçulardan alət kimi istifadə dərhal dayandırılmalıdır". Lavrov əlavə edib ki, Rusiya olmadan Avropada təhlükəsizliyin etibarlı olmasını təmin etmək mümkün deyil: "NATO-Rusiya danışıqlarının nəticəsinə fikir versək, görərik ki, Avropada təhlükəsizlik məsələləri dalana dirənib".

Rusiyalı nazir kürdlərin Suriya danışıqlarına dəvət olunması məsələsinə də münasibət bildirib: "Biz suriyalı kürdlərin danışıqlarda iştirakını dəstəkləyirik. Bu, BMT Təhlükəsizlik Şurasının 2254 saylı qətnaməsinə uyğundur".

Samir