Gürcüstan Ermənistanla da quru sərhədlərini açır

Gürcüstan Baş nazirinin rəhbərlik etdiyi Koronavirusun yayılmasının qarşısının alınması üzrə İdarələrarası Şura ölkənin quru sərhədlərinin 1 iyun tarixindən etibarən açılmasına qərar verib.

Teleqraf.com xəbər verir ki, bu barədə Gürcüstanın Koronavirusun yayılmasının qarşısının alınması üzrə İdarələrarası Şura məlumat yayıb.

Ermənistanın Gürcüstandakı səfirliyi son 72 saat ərzində PCR testinə mənfi cavab verildiyi təqdirdə və ya bütün peyvənd kursundan (iki doza) keçən vətəndaşların Gürcüstana girməsinin mümkün olacağını bildirib.