Ermənistan postunda gecə 3 əsgər ölümü: "Qarşı tərəf..." - Yeniləndi

Ermənistanın cənub-şərqindəki döyüş mövqelərindən birində üç hərbçinin ölümü Azərbaycan Silahlı Qüvvələrinin hərəkətləri ilə əlaqəli deyil.

Teleqraf.com xəbər verir ki, bu barədə Ermənistan Müdafiə Nazirliyinin mətbuat xidməti məlumat yayıb.

“Hadisənin baş vermə şəraitini aydınlaşdırmaq üçün istintaq hərəkətləri davam etdirilir. Ancaq hal-hazıra olan məlumata görə, hadisənin qarşı tərəfin hərəkətləri ilə heç bir əlaqəsi yoxdur", - Ermənistan Müdafiə Nazirliyi bəyan edib.

Daha əvvəl Ermənistan silahlı qüvvələrinin odlu silah yarası alan üç hərbçisinin cəsədinin hərbi hissələrdən birinin döyüş postunda tapıldığı məlum olmuşdu.

***

11:10

Ermənistan silahlı qüvvələrinin bir döyüş postunda güllə yarası alan 3 əsgərin cəsədi tapılıb.

Teleqraf.com xəbər verir ki, cəsədlərin gecə saatlarında silahlı qüvvələrin cənub-şərq istiqamətindəki döyüş mövqelərindən birindən tapıldığı deyilib.

Ölən əsgərlər Murad Aşotoviç Muradyan (2002 -ci il təvəllüdlü), Levon Rafaeloviç Arutyunyan (2002 -ci il təvəllüdlü), Qor Artakoviç Saakyandır (2002 -ci il təvəllüdlü).

Olayın səbəbləri araşdırılır.

Erməni mətbuatda yayılan məlumatlara görə, hadisə Zəngəzurda baş verib.