İrəvan şokda: Üzərində türk bayrağı olan "silahlar" satışa çıxarıldı - Foto

Ermənistanın paytaxtı İrəvandakı mağazalarda üzərində Türkiyə bayrağı olan uşaq oyuncaqları satışa çıxarılıb.

Teleqraf.com xəbər verir ki, bu barədə Nek Qriqoryan adlı erməni Feysbuk istifadəçisi yazıb.

O, oyuncaq silahların Çindən gəldiyini, üzərində Türkiyə bayrağının olduğunu bildirib.

“Türkiyə malları Ermənistana başqa ölkənin məhsulu kimi daxil ola bilərmi? Bəlkə Çində Ermənistan-Türkiyə münasibətlərindən xəbərləri yoxdur. Bunun səbəbi ya baş verənlərə müvafiq dövlət nəzarəti orqanının olmamasıdır, ya da bilərəkdən edirlər”, - Qriqoryan yazıb.

O, oyuncaqları Ermənistan bazarlarına “AyaspesGroup” adlı şirkət olduğunu bildirib. Qriqoryan şirkət rəhbərinin türk əsilli olduğunu iddia edib.