Fransa erməniləri Paşinyana savaş açdı – “Başlayırıq...”

Üç nəfərin Ermənistana girişi qadağan olunub. Syune Abramyan, Masis Abramyan və mən Ermənistanın müdafiəçisiyik.

Teleqraf.com xəbər verir ki, bunu Fransa Erməni Təşkilatları Koordinasiya Şurasının (CCAF) həmsədri Murad Papazyan deyib.

Papazyan Baş nazir Nikol Paşinyanı Ermənistanı avtoritar dövlətə çevirməkdə ittiham edib.

“Demokratiya pozulur, fərdi azadlıqlar məhdudlaşdırılır. Nikol Paşinyan terror mühiti yaradır. Bunu qəbul etmirik və etməyəcəyik. Ermənistanı bu rejimdən azad etmək üçün mübarizə aparacağıq və uğur qazanacağıq”, - diaspor sədri bildirib.