Həbsə gedən yolda maneə qalxdı - Ohanyana qarşı ittiham elan edildi

Keçmiş müdafiə naziri, parlamentdəki “Ermənistan” fraksiyasının rəhbəri Seyran Ohanyana qarşı ittiham irəli sürülüb.

Teleqraf.com xəbər verir ki, bu barədə Ermənistan Baş Prokurorluğu məlumat yayıb.

Ohanyan külli miqdarda maddi vəsaiti mənimsəmədə, vəzifə səlahiyyətlərindən sui-istifadədə və oğurluqda ittiham olunur. Onun barəsində həbs qətimkan tədbirinin seçiləcəyi istisna edilmir.

Xatırladaq ki, fevralın 8-də parlament Ohanyana qarşı cinayət işinin başlanmasına razılıq verib. Həmin gün onun deputat toxunulmazlığı ləğv olunub.

Ermənistan baş prokuroru Anna Vardapetyan sabiq müdafiə nazirinə qarşı cinayət işinə başlanması üçün parlamentdə üç vəsatət təqdim etmişdi.